Svizra - BSI paja 211 milliuns dollars per reglar la dispita da taglia
La Banca privata tessinaisa BSI paja als Stadis Unids da l’America 211 milliuns dollars, quai per reglar la dispita da taglia. La banca tessinaisa è l’emprima banca svizra da la categoria 2 che sa cunvegna en la dispita da taglia, ha declerà il Departament da giustia dals Stadis Unids.
La Banca privata tessinaisa ha ultra da quai dà il consentiment da laschar tiers controllas e da pajar ina multa. Tenor indicaziuns uffizialas avevan radund 3’000 clients americans in conto tar la BSI. Plirs nums èn gia enconuschents a l’Uffizi fiscal american, scrivan las agenturas da novitads.
