Legenda:
Il plevon da Bürgeln Wendelin Bucheli.
Keystone
cuntegn
Svizra - Bucheli s’enricla e dastga restar plevon
Il plevon da Bürglen, Wendelin Bucheli, ch'aveva benedì in pèr omosexual dastga restar en uffizi. Sco quai che l’uvestgieu da Cuira communitgescha sajan ins suenter differents discurs sa cunvegnì cun il plevon.
Wendelin Bucheli deploreschia ch'el haja benedì il pèr omosexual e ch'el haja uschia chaschunà malempernaivladads a l'uvestgieu da Cuira. Il plevon haja punctuà ch'el restia loial envers l'uvestg e ch'el sa tegnia en l'avegnir vid la ductrina catolica.
Sin basa da questa empermischun desistia l'uvestgieu da Cuira, Vitus Huonder, d'ina demissiun dal plevon da Bürglen.
