Siglir tar il cuntegn

Header

Navigaziun

cuntegn

Svizra Bucher cun 28% dapli gudogn

Il concern d'industria Bucher ha pudì augmentar fermamain il gudogn sco er la svieuta. Il constructur da maschinas agriculas, implants e vehichels ha communitgà d'avair fatg il 2018 in gudogn net da 215 milliuns francs, in plus da 28%. Perquai duai la dividenda vegnir auzada sin 8 francs per aczia.

Ina fatschenta da Bucher cun davantvart exponì vehichels communals.
Legenda: Vehichels communals han nudà il pli grond creschament. Keystone

La svieuta è creschida il 2018 per 16% sin 3,07 milliardas francs. Tuttas spartas hajan nudà plus da passa 10%, uschia scriva Bucher. Il pli grond creschament hai dà en la sparta vehichels communals. Uschia sajan sur tut maschinas da servetschs da naiv stadas dumandadas pervi da la blera naiv ch'i ha dà.

L'onn passà saja surtut l'emprima mesadad da l'onn stada ferma. Cunter fin dal 2019 sajan las cifras lura stagnadas. Perquai na saja er uss betg da quintar ch'i dettia enavant uschè in ferm creschament sco il 2018. La svieuta ed il gudogn dal 2019 pudessan sa mover en il medem rom sco l'onn passà. La fatschenta na quinta pia betg cun in creschament per il 2019.

RR novitads 08:00