Siglir tar il cuntegn

Header

Ina lingiada da vehichels da nettegiar a Niederweningen.
Legenda: L'affar en Svizra na rendia betg pli - perquai transferescha Bucher 60 plazzas da Niederweningen en Lettonia. Keystone
cuntegn

Svizra Bucher – transfer da 60 plazzas en Lettonia

Uschia vul Il concern d'industria Bucher spargnar 6 milliuns francs ad onn. Quai cun na betg pli producir vehichels da nettegiar las vias a Niederweningen (ZH). Quai ha communitgà Bucher.

La pitschna dumonda per tals vehichels ed il ferm franc hajan auzà ils custs massivamain, di Bucher. Cun stritgar las plazzas vul il concern sa mantegnair fit per quel martgà.

60 plazzas svizras + 5 plazzas britannicas per la Lettonia

Dal midament en Lettonia èn pertutgadas en tut 65 plazzas: quellas 60 a Niederweningen ed ulteriuras 5 en la Granda Bretagna. Las plazzas duajan vegnir transferidas en ils proxims 2 onns. Sco quai che Bucher di, duaj questa mesira da raziunalisaziun custar 4 milliuns francs.

Plan social è previs

Ils lavurants pertutgads a Niederweningen èn vegnids infurmads ier. Uss suondan ils discurs cun ils represchentants dals lavurants davart il plan social previs.

RR novitads 11:00

Artitgels legids il pli savens

Scrollar a sanestra Scrollar a dretga