Siglir tar il cuntegn

Header

cuntegn

Budget 2022 Cumbat cunter corona caschuna ulteriurs custs da 1,6 milliardas

Las mesiras per dumagnar la pandemia da corona e per sustegnair l’economia chaschunan custs supplementars da 1,6 milliardas francs en il budget da la Confederaziun. La gronda part da quests custs chaschunian ils test da corona, cun radund 1,5 milliardas. Quai ha communitgà il Cussegl federal. 46 milliuns van al BAG per la surveglianza da novas variantas da corona e la cuntinuaziun da l'organisaziun da crisa.

Ultra da quai sustegna la Confederaziun il turissem svizzer cun 17 milliuns per il «Recovery-Programm». 25 milliuns duai dar l'onn 2022 per la tgira e cultivaziun persistenta dal guaud.

Per l’entir 2022 ha la Confederaziun budgetà custs da bunamain 80 milliardas francs. Quai munta in deficit da bunamain ina milliarda francs. Fin uss ha ella quintà cun in surpli da 620 milliuns francs. En la sessiun d’enviern discutescha il Parlament federal il preventiv ed approvescha silsuenter il budget definitiv.

audio
Per tadlar curt e cumpact
01:07 min, RTR Audio dals 24.09.2021.
laschar ir. Durada: 01:07 minutas.

RTR novitads 16:00

Artitgels legids il pli savens

Scrollar a sanestra Scrollar a dretga