Il preventiv federal va en la conferenza da mediaziun. Suenter mintgamai trais debattas en omaduas chombras parlamentaras n'èn il Cussegl naziunal ed il Cussegl dals chantuns betg sa cunvegnids nua e quant bler ch'i duai vegnir spargnà.
Sis differenzas restan anc. Sulet a dapli daners per sustegnair l'export da products agriculs elavurads ha il Cussegl dals chantuns ditg gea. I sa tracta da var 26 milliuns francs supplementars cumpareglià cun la proposta dal Cussegl federal.
Damaun sa deditgescha la conferenza d'intermediaziun dals dus cussegls dal preventiv 2017. I n'è betg da quintar ch'il Cussegl naziunal è pront da renunziar a sias ideas da spargn.
RR novitads 12:00