Siglir tar il cuntegn

Header

Fieu artifizial a Turitg.
Legenda: Il fieu artifizial a Turitg ha illuminà il tschel durant in quart d'ura. Keystone
cuntegn

Bun di, bun onn! La Svizra beneventa l'onn 2020

Cun tutgiez e fieus artifizials ha la glieud dapertut en Svizra fatg in bainvegni a l'onn nov.

A Turitg han var 150'000 persunas persequità il fieu artifizial al lai, quai tar temperaturas enturn il punct da schelira. Il fieu artifizial al lai è vegnì sponsurà da persunas privats. Cumenzà ha la preschentaziun var 20 minutas suenter mesanotg e ha sclerì il tschiel per var in quart d'ura. Sco ils organisaturs han infurmà, era quest fieu artifizial per l'emprima giada totalmain neutral al clima.

A Basilea han ils organisaturs scursanì il fieu artifizial da 21 sin 16 minutas, quai sco segn per far adatg da l'ambient.

La citad da Berna ha desistì sin in fieu artifizial, persuenter han ils trais zains da la tur dal Münster tutgà. Ils 12 suns dal zain da mesanotg èn vegnids tutgads a maun. Silsuenter han ins anc pudì tadlar il tutgiez per var in quart d'ura.

San Murezzan desista insumma d'in fieu artifizial da Bumaun. Els han persuenter organisà il 1. da schaner ina show cun dronas. Var 100 dronas duain porscher in spectacul cun bleras colurs e furmas che sa midan adina puspè.

Ord l'archiv

Gia a chaschun d'ina nozzetta gigantica a San Murezzan il favrer 2019 ha San Murezzan dastgà giudair in spectacul da dronas.

video
Spectacul da dronas sur San Murezzan
Or da RTR Social dals 25.02.2019.
laschar ir

RTR novitads 06:00

Artitgels legids il pli savens

Ir a sanester Ir a dretg