Siglir tar il cuntegn

Header

Navigaziun

cuntegn

Bun onn 2017 Cassas da pensiun han pudì augmentar reservas

Las cassas da pensiun han pudì augmentar lur reservas en vista als midaments da la valur, per bunamain 50%. Quai scriva l'Uffizi federal da statistica. Ils meds libers han els perfin pudì augmentar per duas terzas.

La sutcuvrida han las cassas uschia pudì reducir per 5,4%. Ella munta dentant anc adina a 32,3 milliardas francs. La sutcuvrida pertutga per prest 99% indrizs publics. Tar ils indrizs privats è la sutcuvrida stada il 2017 tar 372 milliuns francs.

22,5 milliardas francs per rentas

La summa da las rentas che las cassas da pensiun han pajà ora il 2017, munta a 22,5 milliardas francs. Quai èn 2,6% dapli che l'onn avant. En media han umens survegnì 29'119 francs ad onn or da la segunda pitga, dunnas 18'395 francs. 7,3 milliardas èn vegnidas pajadas or sco cumpensaziun en chapital u sco cumpensaziun parziala. Rentas d'invaliditad èn stadas tar 2 milliardas. Rentas da survivents èn stadas tar radund il dubel.

RR novitads 14:00