Grazia a pliras cumpras è l'elavuratur da charn svizzer, Bell creschì fermamain: La svieuta è s'augmentada per in tschintgavel sin 3,39 milliardas francs.
La vendita è creschida anc pli ferm. En total ha Bell vendì 414'260 tonnas dapli che l'onn vargà. La vendita saja pia s’augmentada per la mesadad en cumparegliaziun cun l’onn avant, scriva l’interpresa che fa part da la gruppa Coop. Surtut las acquisiziuns hajan contribuì a quest carschen, communitgescha Bell.
Bell aveva l'onn vargà cumprà tranter auter la gruppa da giaglinom austriaca Huber, la gruppa da salata turitgaisa Eisberg, il furnitur da gastro Geiser ed il spezialist da charcuterie dal valais Cher-Mignon.
RR novitads 09:00