Siglir tar il cuntegn
cuntegn

Svizra Buna emprima mesadad da stagiun per pendicularas

Durant l'emprima mesadad da la stagiun han las pendicularas svizras pudì profitar da bunas cundiziuns d'enviern. Fin la fin schaner han las pendicularas notà 10,4% dapli giasts ed 8,2% dapli svieuta tar ils transports da persunas. Quai cumpareglià cun la media dals ultims 5 onns.

Legenda: Guardar il video Bunas cifras per las pendicularas – Ma il «Dynamic Pricing» po far in stritg tras il quint. Durada 02:35 minutas.
Or da Telesguard dals 07.02.2019.

Er cumpareglià cun l'onn avant èn las cifras positivas, communitgeschan las pendicularas. Fin la fin schaner hajan ins gì 1,7% dapli giasts cumpareglià cun l'onn avant. Tar ils transports hajan ins fatg 3,4% dapli svieuta.

Contribuì al resultat positiv hajan surtut ils dus chantuns Vallais e Grischun, ch'èn ils pli gronds chantuns en il turissem d'enviern. La Surselva Bernaisa e la las regiuns en las Prealps hajan in zic mendras cifras che l'onn passà. Quai perquai ch'els hajan pudì cumenzar quest onn pli tard cun il manaschi.

Da buna speranza er per la segunda mesadad

Er sche la stagiun d'enviern na saja anc betg a fin, sajan las pendicularas svizras plain speranza. Grazia a la blera naiv ch'i ha dà las ultimas emnas possian ils giasts uss giudair bellas vacanzas da sport sin bunas pistas. Sche l'aura gioghia uss anc bain, cunzunt las fins d'emna, stettian las schanzas bain per avair in bun resultat da stagiun.

RR novitads 15:00