Svizra - Bunamain 4 milliardas per il traffic public
Il Cussegl federal vul investir dal 2018 fin il 2021 radund quatter milliardas francs en il traffic public. Investiziuns vegnan fatgas en lingias da bus, trens a curta distanza ed autras purschidas dal traffic public.
Quai è dapli che oz, dentant pli pauc ch’ils chantuns e represchentants dal traffic public han pretendì.
Tranter auter duain las lingias da trens a curta distanza vegnir rinforzadas en ils chantuns Turitg, Argovia e Vad sco era en la Svizra orientala. Plinavant la lingia da tren da Mendrisio sur il cunfin talian a Varese. Ultra da quai duai il material rudland tar il traffic da persunas regiunal vegnir modernisà.
