A l’eroport da Grenchen èn la stad 2016 in aviun pitschen bunamain collidà cun dus paracrudaders da l’armada. La raschun saja stada ch’il pilot da l'aviun pitschen Piper haja sbaglià las pistas d’atterrar. Quai resulta dal rapport final ch’il Servetsch svizzer d’inquisiziun da segirezza (SUST) ha publitgà. Pir l’ultim mument haja il pilot da 26 onns guntgì ils paracrudaders.
Il 2016 è stà in onn nair per l’aviatica militara da la Svizra: En tut èn trais persunas sa disgraziadas tar la crudada d’in aviun da cumbat e dad in helicopter.
RR novitads 09:00