En Svizra ha la terra stemblì l'onn passà bler pli savens che usità. Cun radund 950 terratrembels saja vegnì registrà bunamain dubel uschè blers sco per exempel il 2012. Quai communitgescha il servetsch da terratrembels svizzer a la scola politecnica da Turitg.
Las fermezzas da las stremblidas sajan stadas tranter minus 0,4 e 3,2. Ils umans sentan dentant mo terratrembels d'ina fermezza d'almain 2,5. Da quels sajan vegnids registrads 21, quai che correspundia a la media dals ultims onns.
(RR novitads a las 11:00)