ll dumber dals giasts saja s’augmentà per bunamain 19% ed er la svieuta dal transport da persunas saja creschida per passa 14%, cumpareglià cun la medema perioda da l’onn passà. Quai mussan las cifras actualas da las Pendicularas Svizras. Motiv saja d'ina vart la bella e chaud'aura e da l'autra vart il franc svizzer che na saja betg pli uschè ferms. Perquai èn las vacanzas en Svizra vegnidas in zichel pli favuraivlas per giasts da l'exteriur. Plinavant hajan bleras pendicularas investì en la stad e quai cun trails da velo, festivals da cultura u punts pendentas.
In augment hai dà en tuttas regiuns. Il pli grond augment da giasts han gì las alps dal Vad e Friburg +53%, la Svizra Orientala +24,1% ed il Grischun +19%.
Enviern resta pli impurtant
Era sche las cifras da la stad s'augmentan adina dapli, resta l'enviern la pli impurtanta stagiun. Anc adina vegn fatg durant quest temp trais quarts da la svieuta annuala. L'enviern cumpra in giast per regla ina u pliras cartas dal di, la stad dentant be singuls bigliets.
RR novitads 11:00