Ils programs svizzers da radio e televisiun vegnan anc adina tadlads e guardads bler e valitads bain. Quai mussa l’enquista dal public che l’Uffizi federal da communicaziun fa mintg’onn. In pass enavant haja fatg surtut la televisiun regiunala. Quella na saja anc mai vegnida valitada uschè bain.
Las meglras notas han survegnì ils radios dad SRF – avant ils programs da televisiun dad SRF. En tut èn 3’600 persunas en l’entira Svizra vegnidas intervistadas. Quellas han, tranter auter, valità il cuntegn d’infurmaziun, la dimensiun regiunala e la professiunalitad.
RR novitads 15:00