Siglir tar il cuntegn

Header

cuntegn

Svizra Bunas notas per il cumbat cunter lavar daners en Svizra

Las novas reglas cunter il lavar daners e cunter la finanziaziun dal terrorissem portan fritg. La Svizra survegn tut en tut in bun attestat tar in’examinaziun internaziunala. Tuttina menziunescha la gruppa d’experts internaziunala, la Groupe d'action financière GAFI, potenzial da sa meglierar.

Concret ha il gremi examinà, sche las prescripziuns legalas en Svizra sa cunfan cun las 40 cussegliaziuns da la GAFI, e sche las mesiras han in effect. Tar 31 da las cussegliaziuns survegn la Svizra bunas notas. Mancanzas gravantas n’èn betg sa mussadas.

En cumparegliaziun cun ils ulteriurs pajais ch’ils experts han gia examinà, èn ils resultats da la Svizra sur la media. Sulet l'Italia e la Spagna fan fin uss anc ina meglra figura.

RR novitads 11:00

Artitgels legids il pli savens