En il classament mundial da las universitads ha l’ETH fatg bun 3 plazzas ed è rangada sco 9avla. E la EPFL a Losanna figurescha sin plazza 14 ed ha era fatg bun 3 plazzas. Quai mussa ina cumparegliaziun fatga da l’interpresa QS.
A la testa da la glista è il Massachusetts Institute of Technology MIT en ils Stadis unids, avant la Harvard University. Sin plazza 3 èn ensemen la University of Cambridge e la Stanford University.
Per rangar las universitads resguarda l’interpresa QS tranter auter la reputaziun scientifica ed il dumber dals students ord l’exteriur.
RR Novitads 09:00