Siglir tar il cuntegn

Header

cuntegn

Svizra Burkhalter annunzia nov dialog per la Siria

Il Cusseglier federal Didier Burkhalter ha annunzià in’ulteriura runda da discurs davart la Siria a Genevra. Las Naziuns Unidas han dumandà la Svizra da manar ina gruppa da lavur, uschia il minister da l’exteriur.

Mediaturs vegnian a cumenzar ils proxims dis cun la lavur. In termin pussaivel per il dialog saja il november. Per la prima giada dapi 4 onns hajan las pussanzas dal cussegl da segirezza da l’ONU approvà questa stad da lantschar in nov dialog per la Siria.

La Svizra sto anc gidar dapli al lieu che fin qua.
Autur: Didier Burkhalter cusseglier federal

«Il mument avain nus la pli gronda operaziun umanitara da tut il temp en las regiuns da la Siria, l’Irac ed il Libanon», uschia Burkhalter. Qua stoppia la Svizra anc gidar dapli al lieu che fin qua.

Il Comité internaziunal da la Crusch Cotschna ed il Program alimentar mundial sajan sut finanziads. La Svizra haja gia dà passa 200 milliuns francs ed ins pondereschia ch’i pudessi dar tranter 50 e 100 milliuns dapli. Quai decida però il Cussegl federal.

RR novitads 08:00

Artitgels legids il pli savens