Svizra - Burkhalter lascha avert interess vi dal post da l’ONU
Per l’emprima giada suenter las speculaziuns ch’il Cusseglier federal Didier Burkhalter daventia secretari general da las Naziuns Unidas, ha Burkhalter prendì posiziun en chaussa.
Burkhalter ha dentant laschà avert la dumonda. Sco el ha ditg en in’intervista cun la gasetta «Schweizer Illustrierte» interesseschia el la pussaivladad da s’engaschar per la pasch e la segirtad globala, ma na l’uffizi sco tal.
L’actual secretari general da las Naziuns Unidas Ban Ki Moon vegn anc segir a star en uffizi enfin la fin dal 2016.
