Svizra - Burkhalter punctuescha rolla impurtanta da la Svizra
Il cusseglier federal Didier Burkhalter ha punctuà la rolla impurtanta da la Svizra en il svilup per la pasch. Actualmain saja la Svizra integrada en 20 process da mediaziun, ha ditg Burkhalter a chaschun da l'inscunter per dialog internaziunal per il svilup da la pasch a Stockholm.
Sco exempels ha el tranter auter numnà la rolla da la Svizra tar las relaziuns tranter l'Iran e l'Arabia Saudita.
La promomziun da la pasch daventia adina pli impurtanta tar la politica exteriura svizra. L'instabilitad globala, la povradad e conflicts armads han tenor Burkhalter cuntanschì in nov record.
