Siglir tar il cuntegn
cuntegn

Svizra Bursa cumenza bufatg il 2019

bajetg da la bursa svizra a Turitg
Legenda: Ils commerziants quintan ch'il clima restia vinavant volatil a la bursa svizra. Keystone

La bursa svizra n’ha betg fatg gronds sigls l’entschatta da l’onn nov. Il svilup flaivel da tschellas bursas europeicas haja procurà per retegnientschas, han ditg ils commerziants.

L’index dal martgà svizzer (SMI) ha cumenzà cun in plus da 0,3% e nudà tar 8452 puncts. Quai surtut grazia als gudogns che las aczias da Nestlé han nudà. Plitost sut squitsch èn stadas aczias da branschas che dependan da la conjunctura.

Surpraisas en vista – il clima resta volatil

La Banca chantunala da Turitg (ZKB) quinta cun in onn difficil a las bursas. La volatilitad restia probablamain vinavant auta, decleran ils experts da la ZKB. Sche l'economia mundiala daventia pli flaivla, lura pudess il clima midar fitg spert.

RR novitads 12:00