Il coronavirus ha er influenzà l'onn dal Bus alpin. Fertant che las regiuns grischunas n'han gì nagin deficit, han las lingias en la Svizra romanda e las regiuns prealpinas patì pervi da la pandemia. Durant la stagiun da stad 2020 haja il Bus alpin transportà passa 120'000 passagiers, cumpareglià cun radund 130'000 la stad avant. Quai è in minus da 1,5%.
Regiuns grischunas cun records
Quatter da las tschintg regiuns en Grischun hajan dentant nudà in record. Uschia las lingias sin l'Alp Flix, da Bravuogn sin il Pass da l'Alvra, en la regiun Beverin sco er da Pany a St. Antönien.
Or da l'archiv
Dapi la stad 2015 datti la purschida dal Bus alpin en la Val Alvra.