Siglir tar il cuntegn

Header

Jürg Randegger
Legenda: Keystone
cuntegn

Cabaret Rotstift Cabarettist Jürg Randegger è mort

Il cabarettist e moderatur da l'emissiun «Samschtig-Jass» aveva 88 onns. Sco sia famiglia ha communitgà al Tages Anzeiger saja Randegger mort curt avant Nadal.

Jürg Randegger è vegnì enconuschent en l'entira Svizra sco commember dal Cabaret Rotstift. In cabaret ch'era oriundamain vegnì fundà per pussibilitar ad uffants da famiglias disvantagiadas d'ir en camps da skis. Durant ils onns e decennis ha il cabaret gì success ed è vegnì enconuschent.

Gia avant la furmaziun Rotstift aveva Jürg Randegger fundà il 1954 il Cabaret Äxgüsi cun Jörg Schneider. Oriundamain è el stà scolast primar.

Cabaret Rotstift mit Heinz Luethi, Juerg Randegger und Werner von Aesch
Legenda: Il Cabaret Rotstift cun Heinz Luethi, Jürg Randegger e Werner von Aesch, l'onn 1985. Keystone

Prix Walo ed emissiuns da televisiun

Durant ils onns ha il Cabaret Rotstif fatg radund 20 programs, tscherts da quels ha la televisiun emess. Il 1985 ha il cabaret lura survegnì il Prox Walo. Il 2002 ha il Cabaret Rotstift dà sia ultima preschentaziun. Sper quai ha Randegger moderà l'emissiun da televisiun Samschtig-Jass e fatg gieus auditivs.

Or da l'archiv

Questa stad ha Jürg Randegger dà enconuschent ch'el sa retira da la tribuna, quai en l'emissiun Gesichter und Geschichten da SRF.

video
Jürg Randegger verabschiedet sich definitiv von der Theaterbühne
Or da Gesichter & Geschichten dals 25.08.2023.
laschar ir. Durada: 4 minutas 25 Secundas.

RTR novitads 11:00

Artitgels legids il pli savens