Politica è lungurusa? Dapi il mintgadi cun il coronavirus vegn in u l’auter ad avair midà opiniun. Er sche la politica naziunala para mintgatant lunsch davent, mussa la pandemia il cuntrari. Cun il podcast «Café federal» vulain nus manar pli datiers il travasch politic. Dentant na discutain nus betg mo da decisiuns politicas che vegnan prendidas, ma er da tut quai che curra e passa davos las culissas. Adrian Camartin e Fabia Caduff dattan invista er en lur mintgadi sco correspundents da la Chasa federala.
Il podcast politic. In sguard davant e davos las culissas da la politica naziunala.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Avais Vus dumondas? Vulais Vus savair insatge da noss reporters a Berna? Els han gust da Voss mail ad RTRBerna@RTR.ch.
Recapitular cun in café
La sessiun extraordinaria è a fin. En la segunda episoda dal Café federal dain nus in sguard enavos. Per l'ina sin credits da 56 milliardas ch’en vegnids deliberads. E per l’autra ha la sessiun extraordinaria era procurà per novas situaziuns; Da parlamentaris en stress da sesidas, enfin tar in viadi en il tram cun il minister da finanzas.
L'emprim «Café federal»
Anc avant paucas emnas nagin che n'avess pensà ch'il Cussegl federal fa diever dal dretg d'urgenza. Ed er mo ils pli paucs avessan pensà che scolas, butias e restaurants stoppian serrar. En l'emprima episoda dain nus in sguard enavos sin las emnas dal lockdown e guardain enavant sin la sessiun extraordinaria che cumenza l'emna proxima. Uschia ch'ins pudess dir che l'emprim café federal ha ina situaziun da partenza ch’è plitost in espresso dubel cun schuss!
Per ils junkies da café
Novas episodas datti adina durant las sessiuns dal parlament federal. Ina per cumenzar la sessiun e las autras mintgamai la gievgia durant la sessiun.
Il podcast pon ins tadlar sin play RTR, iTunes u Spotify.
