Siglir tar il cuntegn
cuntegn

Svizra Campagna cunter detectivs socials ha cumenzà

Ils adversaris da la lescha per survegliar assicurads socials han lantschà lur campagna da votaziun.

fotografa che fotografescha sur saiv ora
Legenda: Sut circumstanzas dastgassan assicuraders incumbensar l'observaziun d'assicurads. Keystone / purtret simbolic

Cun il referendum vulan ils adversaris da la lescha decidida dal parlament impedir ina surveglianza arbitrara, scrivan ils adversaris en ina communicaziun. La lescha violeschia la sfera privata e mettia la populaziun sut suspect general, han ditg ils adversaris a la conferenza da medias a Lucerna, avant la sedia principala da la cassa da malsauns CSS.

Da memia pussanza als assicuraders

Il parlament aveva approvà la lescha davart ils detectivs socials en la sessiun da primavaira. Quella permetta als assicuraders socials da laschar survegliar ils assicurads tar in suspect dad abus. La lescha vala per l'assicuranza d'invaliditad (AI), las assicuranzas d'accidents, malsauns e da dischoccupaziun.

La votaziun dal pievel è ils 25 da november.

RR novitads 11:00