Il pli fitg tutgi persunas giuvnas: Bunamain 20% che dattan gieus da cletg online perdan para la controlla. In studi giuditgescha il cumportament dad els sco «problematic». Tenor Sucht Schweiz, che ha preschentà il studi, è la dependenza da gieus da cletg cumparegliabla cun quella da substanzas psicoactivas.
En tut hajan 5,2% dals giugaders e da las giugadras mussà in cumportament problematic 2021. Trais onns avant è quai anc stà 2,3%. Las persunas ch'han fatg cun tar l'enquista han fatg attent che i dettia uss dapli gieus da cletg online ch'anc 2018, e che la pandemia haja influenzà ellas.
Champagna cunter dependenza da gieus da cletg online
En vista da la periclitaziun speziala da glieud giuvna lantschan chantuns ina champagna. Quatter emnas vulan els far attent sin las raits sozialas sin la pagina d'internet gambling-check.ch. Là pon ellas chattar tips sco betg vegnir dependentas u infurmaziuns da posts d'agid.
