En sia campagna naziunala vul l'Agid svizzer per la muntogna rimnar daners per sustegnair las alps. Cun quest sustegn vul el segirar il futur da blers manaschis d'alp e pussibilitar la producziun da spezialitads da qualitad, scriva l'associaziun.
Per plirs purs da muntogna muntia l'ir ad alp ina basa d'existenza. Latg d'alp e chaschiel d'alp procurian per entradas impurtantas. Ils pasters stoppian dentant pudair adattar lur manaschis al basegn d'ozendi.
Il 2015 è l’agid da muntogna s’engaschà cun 23 milliuns francs a 513 projects. Projects en il Grischun ha l’agid da muntogna svizzer sustegni cun ina summa da 2,4 milliuns francs. L’associaziun finanziescha ils projects sulettamain entras donaziuns.
RR novitads 14:00