Er purs e viticulturs che n'èn betg en l'uniun professiunala, ston en avegnir pajar contribuziuns a campagnas da reclama, quai ha decis il Cussegl federal. Il Cussegl federal vul uschia evitar che purs e viticulturs che n'èn betg en l'uniun professiunala pon profitar da la reclama senza pajar sez ina contribuziun per quella.
Tuts profitan – tuts duain pajar
Pervi dals pretschs bass, per exempel per products da latg, saja la branscha sut squitsch. Perquai saja buna reclama impurtant per avair success sin il martgà. Questa situaziun na pertutga betg be purs e viticulturs en l'uniun, ma er tschels. Perquai duain er els sa participar als custs, uschia l'argumentaziun dal Cussegl federal.
Tenor l'Agentura da novitads Svizra Keystone-SDA n'èn 5%-10% dals possessurs da biestga nagins commembers da l'associaziun centrala da lur branscha. Er radund 5% dal vin svizzer vegn producì da viticulturs che n'èn betg part da l'associaziun.
RR novitads 12:00