Siglir tar il cuntegn

Header

cuntegn

Campiunadis mundials 2006 Indemnisaziuns per anteriurs funcziunaris

Quatter anteriurs funcziunaris da ballape survegnan ina indemnisaziun da total bundant 800'000 francs. Quai ha decis il Tribunal penal federal. L'inquisiziun encunter els è numnadamain surannada.

I vess duì esser in cas da prestige per la Procura publica federala – capità è il cuntrari. Il cas è surannà senza che igl è vegni ad ina sentenzia.

Perquai survegnan uss ils quatter funcziunaris accusads indemnisaziuns da bundant 800’000 francs. I sa tracta tranter auter da dus anteriurs presidents da la federaziun tudestga da ballape e da l' anteriur secretari general svizzer da la FIFA, Urs Linsi.

Igl è vegnì renfatschà ad els engion en connex cun la surdada dals campiunadis mundials da ballape dal 2006. I va per in pajament dispitaivel da 6,7 milliuns francs da la federaziun tudestga da ballape. La raschun dal pajament n'ha betg pudì vegnir sclerida.

Ils custs dal process surannà sto la Confederaziun surpigliar. Il Tribunal penal federal n'ha numnadamain betg acceptà la proposta da la Procura publica federala da laschar surpigliar ils anteriurs funcziunaris ils custs dal process. federal.

audio
Per tadlar curt e cumpact
ord RTR Audio dals 21.05.2021.
laschar ir. Durada: 1 minuta 18 Secundas.

RTR novitads 17:00

Artitgels legids il pli savens