Tenor las organisaziuns da cancer ed era medias e medis na vegnan ils custs da terapias standard cunter cancer betg surprendids tar mintga 10avel uffant. Tar cas cumplex na surpiglian las cassas da malsauns en 20% dals cas betg ils custs. Las assicuranzas da lur vart vesan quai auter. Tenor Santésuisse – l'organisaziun da branscha da las cassas da malsauns – vegnian las terapias bunamain adina finanziadas. Quai mussia in rapport actual da la Confederaziun. Quel è però dispitaivel. En quel vegnian be resguardadas 8 da las passa 50 cassas da malsauns.
Cancer tar uffants s’avanza fitg svelt ed i sto vegnir agì fitg svelt.
I saja in grond schoc per geniturs che pajan regularmain lur premia sch'il tractament da cancer per lur uffant na vegnia betg surpiglià da las assicuranzas, sco Valérie Braidi-Ketter, manadra da Cancer d’uffants Svizra di. Il temp curria per persunas giuvnas che pateschan da cancer.