Siglir tar il cuntegn

Svizra Candidats svizzers èn optimistics tge che pertutga gieus olimpics

Las tschintg gruppas han gì il segund workshop da planisaziun per ils gieus 2026. Che las prescripziuns dal Comité olimpic internaziunal èn vegnidas schluccadas portia novas libertads, uschè las gruppas.

Forsa bainbaud gieus olimpics sin la Corviglia? - U en auters lieus en svizra?
Legenda: Forsa bainbaud gieus olimpics sin la Corviglia? - U en auters lieus en svizra? Keystone

Al segund workshop han las tschintg gruppas da planisaziun pudì profitar dal savair dad experts d'anteriurs gieus olimpics. Sco Swiss Olympics scriva, haja quest barat purtà bleras bunas ed innovativas ideas. Ussa han las gruppas da finir il project fin ils 15 da december.

Valais collavura cun la Svizra franzosa

La fin avrigl èn vegnidas preschentadas las tschintg gruppas da candidatura. Dentant haja dà midaments. La regiun Lac Lemon collavura ussa cun il Vallais sut il num «Swiss Made Olympic Games». Per la paja datti ussa enstagl d'ina gruppa surregiunala duas: «Switzerland 2025» e «Games for our future».

Il proxim workshop ha lieu ils 7 da settember. L’october vegn Swiss Olympic lura a recognoscar ils lieus, nua ch'ils gieus olimpics pudessan avair lieu.