Ina gronda maioritad dals consuments da cannabis han success cun strategias – per avair sut controlla lur chiffar. A quest resultat vegn in studi da l’universitad da Berna.
Radund 1’000 persunas han respundì in questiunari, che la citad da Berna ha preschentà il glindesdi ensemen cun l’universitad da Berna. Ed il questiunari mussa, che la gronda part consumescha cannabis senza problems da sanadad u problems socials.
Impurtant d'avair strategias
Vitiers hai num en il studi che persunas che nizzegian pli savens strategias – consumeschan en tut damain cannabis e mussan damain segns da dependenza. Ina strategia po esser da desister da cannabis avant la lavur, la scola u l’ir cun auto.
In ulteriur studi
In studi da dar giu a moda controllada cannabis en apotecas, è actualmain anc bloccà. Sin livel naziunal datti il mument discussiuns da midar la lescha, uschia che tals experiments fissan lubids en il futur.
RTR novitads 12:00
