Il Cussegl federal vul examinar il diever da cannabis natiral sco med cunter dolur. El è pront da finanziar in studi, uschia respunda la regenza svizra ad ina moziun da la cussegliera naziunala Margrit Kessler.
Margrit Kessler pretenda in studi per examinar il potenzial da cannabis sco medicament. Il Cussegl federal scriva vinavant ch'ils custs per tractar malsognas sco multiple sclerosa, cancer u sida pudessan tut tenor vegnir sbassads sche la Svizra lubeschia era cannabis cun substanzas activas standardisadas.
