Siglir tar il cuntegn

Header

cuntegn

Canorta rumantscha a Turitg Dapi in onn a la tschertga d’ina educatura – fin uss adumbatten

Empruvà han els dal tut – inserats, contacts privats e perfin dumandà tuttas canortas a Cuira. Gidà n’hai nagut. Dapi passa in onn è vacanta ina plazza d’educatura en la Canorta rumantscha Turitg.

Tuttina han ins cuntinuà cun il manaschi. Sper las duas educaturas rumantschas che lavuran da preschent en la canorta, ha gidà ora anc ina educatura tudestga.

Plans per schlargiar purschida

Malgrà questas difficultads:

Mo pervi da quai na dain nus betg si. Anzi, nus faschain plans ed avain ideas da schlargiar la purschida.
Autur: Remo Pfister president Canorta rumantscha Turitg

Fin uss è la canorta rumantscha averta mintgamai il glindesdi. L’uniun da la canorta rumantscha purschess gugent dapli dis. E lu pondereschan ins anc da far amogna ina gruppa da gieus per geniturs che na vulessan betg dar ils uffants in entir di en canorta, mabain mo per duas u trais uras.

audio
Mezdi: En la canorta rumantscha a Turitg manca ina educatura
ord Actualitad dals 29.07.2019.
laschar ir. Durada: 2 minutas 37 Secundas.

Dus plazs libers

Da preschent haja la canorta rumantscha anc dus plazs libers per uffants da passa 18 mais. Ils plazs per uffants pli giuvens sajan occupads, di Remo Pfister.

Tar la plazza d’educatura scritta ora sa tracti atgnamain d’in pensum da 30 pertschient. Ma damai che la canorta rumantscha sa chatta en la fundaziun GFZ, ina gronda organisaziun da canortas a Turitg, sa lascha il pensum era cumbinar cun autras plazzas u funcziuns entaifer il GFZ.

RR actualitad 12:00

Artitgels legids il pli savens