Caritas Svizra sa separa da ses nov directur Peter Marbet – e quai be suenter paucs mais. Sco l’ovra d’agid ha communitgà, saja il contract da lavur vegnì schlià pervi dad ideas differentas en connex cun dumondas da gestiun e collavuraziun. Dapli indicaziuns n’ha Caritas betg fatg. Il schaner da quest onn aveva Peter Marbet surpiglià il timun da Caritas da l’anteriur cusseglier naziunal Hugo Fasel. Tenor atgnas indicaziuns è Caritas la segund gronda ovra d’agid da la Svizra. Ella occupescha passa 400 persunas. L’onn passà ha la Caritas Svizra fatg ina svieuta da radund 130 milliuns francs.
Ord l'archiv