Las mancanzas tecnicas hajan pertutgà l'entira purschida da la plattafurma. Quai ha ditg Adrian Lobsiger, l’incumbensà federal per la protecziun da datas, envers Radio SRF. En consequenza stoppia er la Confederaziun sa sentir responsabla per la protecziun da las datas, sch’ella lavuria ensemen cun firmas privatas.
Il matg è la plattafurma «meineimpfungen.ch» vegnida serrada, suenter ch’ins ha constatà che datas pon vegnir manipuladas. En tut eran 450’000 datas da vaccinar arcunadas en il carnet da vaccinar digital, da quai er da 240’000 persunas vaccinadas cunter Covid-19.