Siglir tar il cuntegn

Header

cuntegn

Carta d'identitad electronica Interpresas privatas duain dar ora la e-ID

Betg be il stadi mabain firmas privatas duain reparter la e-ID. La Confederaziun conferma sulet l'identitad d'ina persuna. Suenter il Cussegl naziunal ha uss er il Cussegl dals chantuns approvà quest concept.

Da parter si uschia la lavur è fitg dispitaivel. Tenor ina enquista giavischa la pluralitad ina e-ID dal stadi. Cussegliera dals chantuns Anita Fetz (SP/BS) pretenda perquai da refusar la lescha e trametter enavos quella al Cussegl federal per surlavurar.

Nua ch'i dat in consens è dentant ch'i dovra ina identitad electronica, di Fetz. Ma tant sco il passaport cotschen, saja er la e-ID chaussa dal stadi. La fidanza en il stadi saja pli gronda.

Malas experientschas en l'exteriur

Tenor il Cussegl federal na fiss il stadi dentant strusch abel da distribuir ina e-ID che funcziuna. La ministra da giustia Karin Keller-Sutter ha argumentà quai cun exempels fatgs en l'exteriur. Las schliaziuns dal stadi sajan strusch vegnidas duvradas. Las e-IDs na possian betg vegnir adattadas svelt avunda al basegn tecnologic.

RR actualitad 12:00