Siglir tar il cuntegn

Header

Navigaziun

Bajetg cun logo da la UBS.
Legenda: Keystone
cuntegn

Cartel da devisas Plant collectiv encunter UBS

En la Gronda Britannia han investiders inoltrà in plant collectiv cunter tschintg bancas grondas, tranter auter er l’UBS. A las bancas vegn rinfatschà d’avair manipulà il commerzi cun devisas.

Tenor la chanzlia americana ch’ha purtà plant importan ils donns a radund 1,2 milliardas francs. Tar las bancas tutgan sper l’UBS era Barclays, la Royal Bank of Scotland e las bancas americanas JP Morgan e Citigroup.

UBS era mintschada da chastì da l'UE

Pir da curt aveva la cumissiun da l’Uniun Europeica chastià pliras bancas pervia da manipulaziun dal commerzi cun devisas, quai cun multas da passa 1 milliarda euros. Pertutgadas eran la Barclays, la Royal Bank of Scotland, la Citigroup, JPMorgan e la banca giapunaisa MUFG. L’UBS era mitschada senza chastì cunquai ch’ella aveva annunzià las cunvegnientschas illegalas.

RR novitads 14:00