Siglir tar il cuntegn

Header

cuntegn

Cas d'extorsiun da Berset Renfatschas da maldiever da daners da taglia sut marella

L'emprova da metter sut squitsch il Cusseglier federal Alain Berset, ha ulteriuras consequenzas politicas. Las cumissiuns da gestiun dal parlament han decis d'examinar las renfatschas pervi da maldiever da daners da taglia, ed er sche l'acziun da polizia è stada commensurada.

Ils gremis e l'autoritad da controlla da la Procura publica federala, sajan gia vid examinar sche la procedura ch'era vegnida sistida è stada correcta e tenor ils standards. Encunter la dunna, che leva metter sut squitsch Berset il 2019 marschian gia inquisiziuns penalas, uschia la cumissiun.

Sentenzia cun vigur legala

Il november 2020 ha la «Weltwoche» fatg public che la Procura publica generala ha sentenzià il settember 2020 ina dunna pervi da l'emprova da metter sut squitsch Alain Berset. La dunna ha stuì pajar in chasti. La sentenzia ha vigur legala. Berset ha sinaquai declerà ch'i sa tractia d'ina chaussa privata che saja rugalada.

Enconuschent è che la dunna ha empruvà da metter sut squitsch Berset cun documents privats. Il cusseglier federal ha denunzià la dunna. La delinquenta haja tenor l'accusa vulì far pajar Berset 100'000 francs, ha dentant pli tard prendì distanza da questa pretensiun.

audio
Per tadlar: las novitads da las 12:00
ord RTR Audio dals 25.10.2021.
laschar ir. Durada: 4 minutas 19 Secundas.

RTR novitads 12:00

Artitgels legids il pli savens