Siglir tar il cuntegn

Header

cuntegn

Svizra Cas da fraud tar la ETH Losanna

La Scola politecnica federala Losanna ha inoltrà denunzia penala pervi da cugliunaria e defraudaziun. En connex cun il Blue Brain Project saja eventualmain vegnì defraudà 200’000 francs.

Il suspect d’ina cugliunaria saja naschì sin basa d’ina controlla interna, ha ditg la pledadra da la ETH Losanna Madeleine von Holzen. Cun quai ha von Holzen confermà in rapport da Radio televisiun da la Svizra romanda.

Cussegl da la ETH informà, 1 persuna pertutgada

Suenter l’inoltraziun da la denunzia penala saja il Cussegl da las scolas politecnicas federalas vegnì infurmà immediat. Pertutgà saja in commember da l’administraziun da persunal dal Blue Brain Project.

Nagina finanziaziun internaziunala

Il Blue Brain Project, lantschà il 2005, è in project svizzer da la ETH Losanna che sa fatschenta cun la perscrutaziun dal tscharvè. La pledadra von Holzen ha accentuà ch’il project na profiteschia betg da daners europeics. Pli tard è il project però vegnì integrà en l'internaziunal Human Brain Project.

RR novitads 15:00

Artitgels legids il pli savens