Siglir tar il cuntegn

Header

cuntegn

Svizra Cas da spiunascha tar Ruag resta senza scleriment

La Procura publica federala n'ha betg chattà ils hackers ch'han attatgà il concern d'armaziun il 2016.

Dus onns e mez ha la Procura publica federala investigà pervi da l'attatga da cyber cunter la Ruag il 2016. Perquai ch'i n'è betg stà pussaivel da chattar ils hackers, sistescha la Procura publica uss il proceder. Quai ha confermà André Marty, il schef d'informaziun da la procura publica, envers SRF.

Persunas dal fatg vesan però clers indizis che la Russia stettia davos la spiunascha cunter la Ruag. Uffizialmain na vul però nagin confermar quai. La procura publica conferma sulettamain, che be acturs da stadis vegnian en dumonda tar tals cas cumplexs.

Il cas Ruag resta per consequenza senza scleriment. Be sch'i dettia novas cumprovas, possia il cas puspè vegnir rudlà si da nov.

RR novitads 06:00

Artitgels legids il pli savens