Glindesdi cumenza il process cunter l'anteriur finanzier da Basilea Dieter Behring al Tribunal penal federal a Bellinzona. La Procura publica federala renfatscha ad el fraud professiunal e lavada da daners suspectus.
Tenor l'acta d'accusaziun ha Dieter Behring cugliunà tranter il 1998 ed il 2004 radund 2'000 investiders ch’han fatg ina perdita totala da 800 milliuns francs.
La procedura penala è vegnida instradada avant stgars 12 onns. Il process duai durar in mais.
RR novitads 10:00