Siglir tar il cuntegn
Inhalt

Svizra Cas Kashoggi: Cassis annunzia consequenzas

Il minister da l'exteriur Ignazio Cassis ha annunzià consequenzas per las relaziuns cun l'Arabia Saudita pervia dal cas Khashoggi. Suenter il mazzament dal schurnalist saudiarab stoppia la Svizra sa tschentar la dumonda da las consequenzas ha ditg Cassis envers il «Blick».

purtret da Ignazio Cassis
Legenda: Ignazio Cassis ponderescha consequenzas per l'Arabia Saudita. Keystone

Ils indizis en il cas Khashoggi discurrian in cler linguatg: ina violaziun dals dretgs umans e dal stadi da dretg, uschia di Cassis.

Ses departament haja per la terza giada pretendì ch'i dettia glisch en l'affera. Cassis ha uschia confermà ch'ina mesira gia annunziada la fin d'emna vegn realisada. El ha però punctuà ch'el na veglia betg interrumper dal tuttafatg la colliaziun cun il reginavel saudiarab. Quai na faschess betg bain a la promoziun da la pasch.

RR novitads 07:00