L'um da 39 onns aveva rapinà la dunna da 19 onns il 2013 e silsuenter mazzà ella.
Avant trais onns aveva il mazzament a Payerne squassà la Svizra romanda. Ina giuvna dunna era daventada l’unfrenda d’in assassin sexual che vegniva preparà per sia relaschada planisada. Uss ha la giustia vadaisa condemnà el a praschun per vita duranta en emprim’instanza, numnadamain pervi da mazzament ed abus sexual. Ultra da quai vegn l’um internà per vita duranta.
La dretgira n’haja nagin dubi che Claude D. saja in psicopat extrem privlus, per il qual i na dettia nagin tractament.
RR novitads 15:00