Cassa da pensiun sco med da finanziaziun

Mintga terza persuna che cumpra in'abitaziun u ina chasa retira anticipadamain daners or da sia cassa da pensiun. Senza quels daners stuessan blers desister da la cumpra.

chasa che vegn vendida. Bild in Lightbox öffnen.

Legenda da maletgs: Cumpra dad in'immobligia mintga terza vegn realisada cun daners or da la cassa da pensiun. Keystone

Quests resultats demussa in studi da Moneypark ch'è vegnì publitgà il glindesdi. L'intermediatur d'ipotecas ha analisà radund 2'000 finanziaziuns e 10'000 dumondas da finanziaziun dals onns 2013 fin 2017.

Els han constatà ch'en 80% dals cas ch'èn vegnids finanziads cun daners or da la cassa da pensiun, avessan ils pertutgads stuì desister da la cumpra senza quest sustegn. Uschia avessan 500 da las 2000 cumpras d'immobiglias analisadas, betg savì vegnir realisadas.

La tendenza da finanziar la cumpra cun daners dalla cassa da pensiun è creschenta. En ils davos 4 onns è questa s'augmentada per 10%. Er la summa vegn adina pli auta. Ella è creschida da 56'000 sin 62'000 francs en media. Il motiv per quest svilup èn ils pretschs d'immobiglias. Numnadamain creschan quels bler pli spert che la facultad generala.

RR novitads 14:00