Cifras actualas per il schaner ed il favrer mussan tar ils custs da las cassas da malsauns in augment da 7,5% per persuna. Raschun per quest chatsch sajan cunzunt la vendita da medicaments e las prestaziuns da tgira en chasas da tgira. Er sch'igl èn fin uss be las cifras da paucs mais, sa fa Verena Nold quitads.
Sche nus na faschain nagut, ruinain nus il sistem da sanadad.
Quitads fan a Nold er ils pretschs da medicaments che sajan creschids e ch’i vegnia prescrit blers medicaments. Plinavant quinta la presidenta da Santésuisse che las premias da las cassas da malsauns creschian vinavant. Persunas cun gudogn mesaun na possian bainprest betg pli pajar quellas.