Siglir tar il cuntegn

Header

cuntegn

Cassas da malsauns Santésuisse deplorescha perdita da 1,5 milliardas francs

Las cassas da malsauns svizras han fatg l'onn passà in deficit dad 1,5 milliardas francs. Tenor calculaziuns da Santésuisse sajan las premias sa sbassadas per 0,2% per persuna. Il medem mument sajan ils custs per persuna però creschids per 2,6%.

Reservas grondas da las cassas da malsauns sa sminueschan

La federaziun da las cassas da malsauns Santésuisse deplorescha plinavant er che las cundiziuns schlettas a la bursa engrondeschian il deficit. Quel ston las cassas da malsauns pajar or da lur reservas, e cunquai èn quellas sa reducidas il 2022.

Cunzunt per medicaments or dad apotecas han las cassas da malsauns stuì dar ora dapli. Il 2022 èn quels custs creschids per 5,3%. La finanziaziun da medicaments fa cun quai or bunamain in quart da las expensas totalas da las cassas da malsauns.

audio
Per tadlar: las novitads da las 18:00
ord RTR Audio dals 21.02.2023.
laschar ir. Durada: 4 minutas 38 Secundas.

RTR novitads 15:00

Artitgels legids il pli savens