Siglir tar il cuntegn

Svizra Cassas da pensiun survegnan problems a lunga vista

La banca gronda UBS avertescha da las consequenzas ch'ils tschains negativs pudessan avair sin la prevenziun per la vegliadetgna.

Il schef-econom Daniel Kalt e davos el in bajetg cun bleras fanestras.
Legenda: Il schef-econom Daniel Kalt da la banca UBS. Keystone

Sco quai ch'il schef-econom Daniel Kalt ha ditg envers SRF pudessan ils tschains negativs daventar in problem per las cassas da pensiun. Quellas tschertgian gia ussa pussaivladads per deponer lur daners uschia ch'i dettia avunda rendita per garantir las rentas.

Dischoccupaziun

Tenor in studi da la UBS pudessan ils tschains negativs er manar ad ina dischoccupaziun pli auta. Credits survegnian ins per cundiziuns fitg favuraivlas perencunter custan lavurers bler. Perquai pudessan interpresas svizras reducir il dumber da lavurers e transferir plazzas en l’exteriur. La quota da dischoccupads pudess crescher d’actualmain da quai da 3% sin sur 5% enfin l’onn 2017.

Tschains negativs

Cun il tschains negativ n’èsi betg pli lucrativ per interpresas da deponer daners tar las bancas, anzi las interpresas ston pajar per lur daners. Cun ils tschains negativs, introducids da la Banca naziunala Svizra, vulan ins dar cuntrapaisa al ferm franc svizzer. Interpresas duain investir e na betg tresorisar ils daners.

RR novitads las 15:00