Siglir tar il cuntegn

Header

cuntegn

Cassas da pensiun Tschains minimal resta sco fin qua

Per ils dabuns tar las cassas da pensiun duai dar l'onn che vegn tuttina bler tschains sco fin uss. Il Cussegl federal ha decidì, ch'il tschains resta era il 2021 tar 1%.

La fin d'avust aveva la cumissiun federala per il provediment professiunal cusseglià al Cussegl federal da sbassar il tschains minimal. A la cumissiun fan part las segiradas ed ils partenaris socials. Enstagl dad 1% avessi dà tenor questa proposta be 0,75 pertschient tschains.

Uss saja il Cussegl federal dentant vegnì infurmà ch'i na fetschia betg da basegn d'examinar il tschains minimal per il provediment professiunal, scriva il Cussegl federal en ina communicaziun.

Segiradas n'èn betg cuntentas

Betg cuntent cun questa decisiun èn la segiradas svizras. En in'emprima reacziun scriva l'Associaziun da las segiradas svizras, ch'il tschains minimal saja vinavant memia aut. Tenor las segiradas stuess quel esser tar 0,25%. Cuntents cun la decisiun dal Cussegl federal vegnan percunter ils sindicats ad esser.

Ord l'archiv:

video
Lavur curta ha influenza sin il provediment da vegliadetgna
Or da Tagesschau dals 20.08.2020.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga