En Svizra vivan tenor schazetgs 200’000 persunas che na discurran betg ina da las linguas naziunalas. En l’ospital han els da basegn da translaturs. Ils custs per quels na surpiglian las cassas da malsauns dentant betg il mument. Uschia pajan ils ospitals savens sezs, per part sa participeschan ils chantuns.
Dapertut tuttina
L’Uffizi federal da sanadad BAG cusseglia uss in agir unifitgà. Tenor quel è il translatar professiunal ina part da la prestaziun medicinala, sche la translaziun è necessaria per il success. Ils ospitals pudessan lura adossar ils custs a l’assicuranza obligatorica.
Betg tuts èn intgantads
Entant che la Conferenza svizra dals directurs da sanadad chantunals beneventa la recumandaziun dal BAG, è la proposta la via sbagliada per l’uniun da las cassas da malsauns Santésuisse. Translatar na saja betg ina prestaziun medicinala, ed era la basa giuridica manchia.
Ils custs per translaturs varieschan dad ospital ad ospital. L’ospital universitar da Turitg per exempel paja mintg’onn 100’000 francs per servetschs d’interpretaziun en la partiziun staziunara.
RR novitads 08:00